པར་བཤུ།
སྡེ་ཚན། ལེགས་བཤད།
ཀློག་གྲངས། 820

༸གོང་ས་༸སྐྱབས་མགོན་ཆེན་པོས།

༄༅།། བཅོམ་ལྡན་འདས་རང་གིས་ཀྱང་ཅི་གསུང་བཀའ་བཞིན་སྒྲུབས་མ་གསུངས་པར། རྒྱུ་མཚན་ལ་ལྟོས། བརྟག་དཔྱད་བྱོས་གསུངས་འདུག་པར་བརྟེན། ང་ཚོས་དེ་ལུགས་ཀྱིས་ནང་པ་རང་གི་འགྲོ་སྟངས་ལ་བསམ་བློ་ཡག་པོ་ཞིག་གཏོང་ན་དངོས་གནས་ཧ་ལས་པ་རེད། རྒྱུ་མཚན་ཉིད་ཀྱི་སྟེང་ནས་འགྲོ་བ་དང་། དངོས་ཡོད་གནས་ཚུལ་ལ་བརྟེན་ནས་འགྲོ་བ་མ་གཏོགས། དེ་ལྟ་བུའི་དད་པ་དང་དག་སྣང་ཟེར་བའི་སྐད་ཆ་ཡོད་པ་མ་རེད། ཚད་ཅིག་ལ་སླེབས་ན་འགྲོ་སྟངས་ཤིག་ཡོད་ཀྱང་དེ་གནས་ཚུལ་ཁག་ཁག་ཡིན་པས། ཁྱེད་ཚོ་ཆོས་སྡེ་དགོན་པ་རྣམས་དང་ཆོས་ཚོགས་ཁག་གིས་ངེས་པར་དུ་མང་ཚོགས་ཀྱི་ཤེས་ཡོན་ཡར་རྒྱས་འགྲོ་བ་དང་། ནང་ཆོས་ཀྱི་གོ་རྟོགས་ཡར་རྒྱས་འགྲོ་བའི་ཐོག་ལ་ཞབས་འདེགས་མང་ཙམ་བསྒྲུབ་ཐུབ་ན་དེ་ཧ་ཅང་གལ་ཆེན་པོ་འདུག