༄༅།།༄༅།། དཔལ་གསང་བ་འདུས་པའི་རྩ་བའི་རྒྱུད་ཀྱི་རྒྱལ་པོ་ཆེན་པོ། དཔལ་མགོན་འཕགས་པ་ཀླུ་སྒྲུབ་ཀྱི་མན་ངག་ལ་བརྟེན་ནས་འཆད་པའི་ཚུལ་ལ་ཡང་། ཡི་གེ་བྲི་བསྣན་གྱི་སྒོ་ནས་བཤད་ཚུལ། གཞུང་གོང་འོག་དཀྲུག་སྟེ་བཤད་ཚུལ། གཞུང་གོང་འོག་མི་དཀྲུག་པར་བཤད་ཚུལ། རྒྱུད་རྐྱང་གི་བཤད་ཚུལ། རྒྱན་བདུན་གྱི་སྒོ་ནས་ཚོགས་པ་ལ་བཤད་ཚུལ་དང་། སློབ་མ་ལ་བཤད་ཚུལ་སོགས་བཤད་སྲོལ་ཤིན་ཏུ་མང་བར་གྲགས་ཤིང་། ཁྱད་པར་དུ་རྗེ་བཙུན་ལྷོ་བྲག་མར་པ་ལོ་ཙཱ་པ་ཆོས་ཀྱི་བློ་གྲོས་ལ། གྲུབ་ཆེན་ནཱ་རོ་པ་སོགས་ལས་བརྒྱུད་པའི་འདུས་པའི་མན་ངག་གི་བཤད་སྲོལ་མི་འདྲ་བ་བདུན་མངའ་བ་དང་། རྗེ་རིན་པོ་ཆེ་འགོས་ལོ་ཙཱ་ཁུག་པ་ལྷས་བཙས་ལ། བླ་མ་མངོན་ཤེས་ཅན་དང་། བཙུན་མོ་ཅན་དང་། རྒྱལ་བུ་སྤྲིན་གྱི་ཤུགས་ཅན་དང་། ཙནྡྲ་ཧ་རི། ཛྙཱ་ན་ཀ་ར། བལ་པོ་མཐིལ་གྱི་ཧ་དུ། ན་ག་ཀོ་ཊི། ནག་པོ་དམ་ཚིག་རྡོ་རྗེ། ཇོ་བོ་རྗེ་དཔལ་ཨ་ཏི་ཤ་སོགས་ལ་བརྟེན་ནས་བརྒྱུད་པའི་འདུས་པའི་གཞུང་བཤད་ཀྱི་བཤད་སྲོལ་མི་འདྲ་བ་བཅུ་མངའ་བར་གསུངས་སོ།།

༄༅།། གསང་བདག་མི་ཡི་རྣམ་རོལ་རྒྱུད་ཆེན་རྡོ་རྗེ་འཆང་༸རྗེ་བཙུན་ཀུན་དགའ་དོན་གྲུབ་དཔལ་བཟང་པོ་མཆོག་ནི། བོད་རྒྱལ་ལོ་ ༡༥༤༦ རབ་བྱུང་༧ ས་ཕག ཕྱི་ལོ་ ༡༤༡༩ ལོར་གཙང་ཤངས་ལུང་དུ་ཡབ་ཡུམ་རིགས་རུས་ཕུན་སུམ་ཚོགས་པ་ལས་འཇིག་རྟེན་མིག་གི་བདུད་རྩིར་གྱུར་པའི་མཚན་དཔེའི་དཀྱིལ་འཁོར་མངོན་པར་བཞད། རྒྱས་པར་གཟིགས།