རྒྱས་བཤད་བྱེད་པ།

སྡེ་ཚན། རྩོམ་གཞན།

འགྲེམས་སྤེལ། Wed 26 Aug 2020

ཀློག་གྲངས། 1054

༄༅།། རྒྱལ་དང་རྒྱལ་སྲས་ཉན་རང་འཕགས་པ་དང་།། ལམ་བཟང་གསལ་མཛད་མཚན་ལྡན་དགེ་བའི་བཤེས།། རྒྱ་བོད་མཁས་གྲུབ་ལོ་པཎ་ཚོགས་རྣམས་ལ།། སྒོ་གསུམ་གུས་པ་ཆེན་པོས་རྟག་འདུད་ན།། བྱང་ཆེན་མ་ཐོབ་བར་དུ་བརྩེ་བས་སྐྱོངས།། འཇིག་རྟེན་མགོན་པོ་སྐུ་ཕྲེང་བཅུ་བཞི་པའི།། ནང་གི་ཐུགས་སྲས་ཟམ་གདོང་པཎ་ཆེན་གྱི།། གསོལ་འདེབས་ཏམ་བུ་ར་ཡི་སྒྲ་དབྱངས་འདི།། སྤེལ་ཕྱིར་ངག་དབང་ལྷ་མོ་དབྱངས་ཅན་མས།། བདག་གི་སྨྱུག་ཁ་མ་དཀྱོགས་དྲང་པོར་སྲུངས།། གང་གི་མཚན་དཔེ་མདོ་ཁམས་ཡུལ་དུ་བཞད།། གཞོན་ནུའི་དུས་ནས་དམ་པའི་རང་རྟགས་མངའ།། ཐ་སྙད་རིག་གནས་སྤྱན་རས་གཡོ་ཙམ་གྱིས།། ཚེགས་མེད་མཁྱེན་པས་བླ་ལྷས་བསྐུལ་བ་ལྟར།། མཁས་མང་བློ་གསལ་གླིང་གི་ཆོས་སྒོར་ཞུགས།། དེའི་ཚེར་རྟག་ངུས་ཆོས་འཕགས་བསྟེན་པ་ལྟར།། སྨྲ་བའི་ཁྱུ་མཆོག་མཁས་གྲུབ་དུ་མའི་ཞབས།། བསམ་སྦྱོར་གཉིས་ཀྱིས་ལེགས་པར་བསྟེན་མཛད་པས།། སྙན་པའི་གྲགས་པ་དབྱར་རྔར་འགྲན་པར་མཛད།། ཟམ་གདོང་རིགས་ཀྱི་བུ་ལ་གསོལ་བ་འདེབས།།

བཀླགས་འཕྲོ......