ཕྱི་ལོ་༢༠༡༧ ཟླ་༡༡ ཚེས་༡-༥ བར་དུ་སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་དབུ་བཞུགས་ཐོག་དམིགས་བསལ་མཁས་དབང་དང་ཆེད་ལས་པ་གདན་ཞུས་ཀྱིས་རིས་མེད་ཆོས་སྡེ་ཁག་གི་སྐུ་ཚབ་དང་། ཟུར་ཉན་པ་སོགས་ཚོགས་ཞུགས་མི་སྣ་བརྒྱ་སྐོར་ཞིག་ལ་དཔེ་དེབ་ཞུ་སྒྲིག་ཚད་ཡོང་ཐབས་དང་གནའ་དེང་དཀར་ཆག་རིག་པའི་སྐོར་གྱི་རྒྱལ་ཡོངས་ཟབ་སྦྱོང་ཐེངས་དང་པོ་གནང་སྐབས།  འདི་གའི་དཔེ་མཛོད་ཀྱིས་གསར་དུ་དཔར་སྐྲུན་ཞུས་པའི་རྒྱུད་ཆེན་རྡོ་རྗེ་འཆང་རྗེ་བཙུན་ཀུན་དགའ་དོན་གྲུབ་དཔལ་བཟང་པོས་མཛད་པའི་རྒྱུད་ཊཱིཀ་རིམ་གཉིས་གཏེར་མཛོད་རྩ་འགྲེལ་སྦྱར་མ་དེ་བཞིན་ཉིན་དང་པོའི་བགྲོ་གླེང་གི་མཛད་སྒོའི་སྐབས། སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་མཆོག་གིས་དབུ་འབྱེད་བཀའ་དྲིན་སྐྱོང་བཞིན་པའི་སྐུ་པར།